Nepal Drishya

काठमाडौंमा बस्ने धादिङ त्रिपुरासुन्दरीका २६५ जनाकाे परिचय पत्र नविकरण

Nepal Drishya १२ साउन, २०८२ | 27 Jul, 2025

धादिङकाे त्रिपुरासुन्दरी गाउँपालिकाले स्थायी ठेगाना गाउँपालिकामा रही हाल जिल्लाबाहिर बसोबास गरिरहेका सामाजिक सुरक्षा भत्ता लाभार्थीहरूलाई लक्षित गर्दै बायोमेट्रिक विवरण नवीकरण तथा अद्यावधिक सेवाबाट काठमाडौंमा २६५ जनाले लाभ लिएका छन् ।

साउन ९ र १० गते काठमाडौंको कलंकीस्थित कर कार्यालयबाट बायोमेट्रिक विवरण नवीकरण तथा अद्यावधिक सेवाबाट २६५ जनाले लाभ लिएका हुन् । यस्तै चितवन जिल्लाको रत्ननगर नगरपालिका–२ को वडा कार्यालय परिसरमा साउन १२ र १३ गते बिहान ८ बजेदेखि साँझ ५ बजेसम्म सेवा प्रदान गरिनेछ । त्यसैगरी साउन १५ र १६ गते पोखरा महानगरपालिका–९ स्थित वडा कार्यालय, न्युरोडमा बिहान ८ बजेदेखि साँझ ५ बजेसम्म सेवा उपलब्ध गराइने पालिकाले जानकारी दिएको छ । पालिकाले स्थायी बासस्थान बाहिर रहेका आफ्ना नागरिकहरूको सहुलियतका लागि घरदैलो शैलीमा सेवा पुर्‍याउने उद्देश्यले अभियान सञ्चालन गरेको हो ।

Published Date: १२ साउन, २०८२ | 27 Jul, 2025

Post Comments