Nepal Drishya

"पार्टीमा अब युवाले हस्तक्षेपकारी भूमिका खेल्छ"

Nepal Drishya २१ पुस, २०७८ | 05 Jan, 2022

लामो समयदेखि प्रचण्डकै हातमा चलेको नेपाल कम्युनिष्ट पार्टी माओवादी केन्द्रको भर्खरै मात्र ८ औ राष्ट्रिय महाधिवेशन सम्पन्न भएको छ । विगत ३५ वर्षदेखि पार्टी नेतृत्वमा रहेका प्रचण्डकै काँधमा बिना प्रतिस्पर्धा फेरी अध्यक्षको जिम्मेवारी पुगेको छ । महाधिवेशनपछि माओवादीले नयाँ जीवन पाउने नेता तथा कार्यकर्ताले दावी गरेका छन् । माओवादीले मात्रै होइन भर्खरै मात्रै सम्पन्न भएका नेपालका प्रमुख पार्टीहरु नेकपा एमाले, नेपाली कांग्रेस र राष्ट्रिय प्रजातन्त्र पार्टी नेपालले पनि महाधिवेशनपछि पार्टी, देश र जनताले नयाँ जीवन पाउने ठोकुवा गरेका छन् ।

हरेक राजनीतिक पार्टीहरुले अरुभन्दा आफूलाई फरक देखाउन विभिन्न कोसिस पनि गरिरहेका छन् । १० वर्षे ससस्त्र जनयुद्धबाट उदाएको माओवादी केन्द्रले आफ्नै एजेण्डामा देश चलेको जर्वजस्त दावी पेश गर्दे आएको छ । यद्दपी ऊ जनताको नजरमा तेस्रो राजनीतिक दल छ ।

माओवादी पार्टीले देश आफ्नो एजेण्डामा चलेको दावी गरेपनि किन सानो दलमा खुम्चिन परेको छ ? महाधिवेशनपछि किन पार्टीमा नयाँ नेतृत्व आउन सकेन ? प्रचण्डकै हातमा माओवादी किन पुग्यो ? माओवादीभित्र किन युवाले हस्तक्षेपकारी भूमिका खेल्न सकेनन् ? अब युवाले पार्टीमा कस्तो भूमिका खेल्छन् ? पार्टीभित्र टिके प्रथाले काम गरेको हो ? ८ औं महाधिवेशनबाट पारित राजनीतिक प्रतिवेदनमा भने झै देशको राजधानी काठमाडौं छोडेर नेता फेरी जनताको घरघरमा जालान् ?

यीलगायत तमाम प्रश्नको जिज्ञाशा आज हामीले पूर्व प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डका पूर्व प्रेस सल्लाहकार समेत रहेका पार्टीका युवा नेता मनहरि तिमिल्सिनासँग जान्न चाहेका छौं ।