Nepal Drishya

धादिङ २ (१) मा गोविन्द लम्साल विजयी,प्रतिनिधिसभा र प्रदेशसभा २ (२) मा पनि लोकतान्त्रिक-वाम गठबन्धनकै अग्रता

Nepal Drishya ७ मंसिर, २०७९ | 23 Nov, 2022

धादिङ क्षेत्र नम्बर २ प्रदेश १ मा लोकतान्त्रिक वाम गठबन्धनका साझा उम्मेदवार गोविन्द लम्साल विजयी भएका छन् । एमालेका डा रामकुमार अधिकारीलाई २ हजार ७ सय ८० मतान्तरले हराउदै नेपाली कांग्रेसका लम्साल विजयी भएका हुन् ।

कांग्रेसका लम्सालले १७ हजार ९६ मत ल्याएका छन् भने उनका निकटतम् प्रतिद्धन्दी एमालेका अधिकारीले १४ हजार ३ सय १६ मत प्राप्त गरेका छन् । प्रतिनिधिसभामा क्षेत्र नम्बर १ मा पनि लोकतान्त्रिक वाम गठबन्धनका साझा उम्मेदवार राजेन्द्र पाण्डेल अग्रता लिएका छन् ।

पाण्डेका १७ हजार ७ सय ६७ मत आएका छ भने उनका प्रतिद्धन्दी एमालेका भूमि त्रिपाठीको १६ हजार ५ मत आएको छ । उता क्षेत्र नम्बर २ मा प्रतिनिधिसभा र प्रदेशसभा दुवैमा पनि लोकतान्त्रिक वाम गठबन्धनले अग्रता लिइरहेको छ ।

प्रतिनिसभा कांग्रेसका रामनाथ अधिकारीले १७ हजार १ सय ३७ मत ल्याएका छन् भने एमालेका एमालेका खेम लोहनीले १२ हजार ८ सय ५० मत ल्याएका छन् । प्रदेशमा पनि जगत सिंखडाले अग्रता कायमै राखेका छन् । सिंखडाको ११ हजार १ सय ७२ मत ल्याएका छन् भने एमाले राप्रपा गठबन्धनका डम्बर तामाङले १० हजार ६ सय ७८ मत ल्याएका छन् ।

Published Date: ७ मंसिर, २०७९ | 23 Nov, 2022

Post Comments