Nepal Drishya

गाेरखाकाे आरुघाटमा आधारभूत कृषक समूहलाई कृषि औजार वितरण

Nepal Drishya २३ जेठ, २०८२ | 05 Jun, 2025

गाेरखाकाे आरुघाट गाउँपालिकामा आधारभूत कृषक समूहलाई कृषि औजार वितरण गरिएको छ ।
बुधबार कृषि तथा पशुपन्छी विकास मन्त्रालय अन्तर्गत सञ्चालित "खाद्य तथा पोषण सुरक्षा सुधार आयोजना (FANSEP)" को सहयोगमा पालिकाकाे वडा नम्बर १० मा रहेकाे आधारभूत कृषक समूहलाई विभिन्न कृषि औजार तथा सामग्रीहरू वितरण गरिएको हाे ।

कृषि यान्त्रिकीकरण प्रवर्द्धन गर्ने उद्देश्यले स्थानीय कृषकहरूलाई हाते ट्र्याक्टर, मकै/धान भुस्याउने मेसिन, मल छर्ने यन्त्र, तरकारी खेतीका उपकरणहरूलगायतका सामग्रीहरू वितरण गरिएको हो ।

कार्यक्रमले कृषकहरूको कृषि उत्पादनमा सहजीकरण हुने विश्वास लिइएको छ। FANSEP आयोजनामार्फत गरिन लागेको यस्ता सहयोगले दीर्घकालीन रूपमा कृषकको आत्मनिर्भरतामा टेवा पुर्‍याउने अपेक्षा पालिकाले गरेकाे छ । सामग्री वितरण कार्यक्रममा वडाअध्यक्ष सन्जित श्रेष्ठ र कृषक समूहकी अध्यक्ष सुमित्रा लामिछानेलगायत स्थानीयकाे सहभागीता रहेकाे थियाे ।

Published Date: २३ जेठ, २०८२ | 05 Jun, 2025

Post Comments